आउँदैछ संसारको सबैभन्दा महँगो भिडियो गेम

यो वर्षको सबैभन्दा ठूलो र अहिलेसम्मको सबैभन्दा महँगो भिडियोगेम आज अर्थात मंगलबार सार्वजनिक हुने खबर आएको छ । यो भिडियोगेमलाई ‘डेस्टिनी’ नाम दिइएको छ र यसको एक करोड उपभोक्ता हुने अनुमान गरिएको छ ।
अमेरिकास्थित भिडियो गेम डेभलपर–बंगीद्वारा तयार गरिएको यो साई–फाई भिडियोगेममार्फत ७०० वर्ष अगाडिसम्म जान सकिन्छ । यो गेममार्फत मानिसहरु अन्तरिक्षको यात्रा गर्नसक्नेछन् र यो खेलमा भाग लिने मानिसहरुले एलियन्सको प्रहारबाट बच्नुपर्ने हुन्छ । समाचार पत्र ‘गार्जियन’ का अनुसार यो प्रोजेक्टमा ५० करोड डलर खर्च भएको छ ।
यो खेललाई अनलाईनमा मात्र खेल्न सकिनेछ जसका कारण यसमा भाग लिने मानिसहरुले एक अर्काको खेलको बारेमा आफ्नो बिचार साझा गर्न सक्नेछन् । खेलमा एलियन्सको आक्रमणबाट समूहमा अथवा एक्लै बचाउ गर्न सकिनेछ । यो खेलमार्फत मानिसहरु पृथ्वीको साथासाथै शुक्र, मंगल र चन्द्रमाको यात्रा गर्न सक्नेछन्